Желтоқсанның тоғызына жалпы гуманитарлық және әлеуметтік – экономикалық пәндер циклдік әдістемелік бірлестігінің апталығы аясында психология пәнінің оқытушысы Г.К. Сахова білім алушылармен «Айналаңды нұрландыр» атты психологиялық тренинг өткізді.
Психологиялық тренингтің мақсаты – қатысушылардың адамгершілік құндылықтарын қалыптастыруға, психикалық көңіл-күйлерін көтеруге, шығармашылық қабілеттерін бағалай білуге, өздеріне құрметпен қарауға, топта сыйластық қарым-қатынас орнатуға, жүректі таза ұстауға тәрбиелеу.
Тренинг барысында білім алушыларға өз өмірінің авторы болуға, өзін саналы түрде басқарудың жолдары айтылды. Қатысушылар жаттығуларды шешу барысында тіл арқылы байланысу, қарым-қатынас жасау – адамға ғана арналған басты байлықты бағалауды, айналадағы адамға құрметпен қарауды үйренді.
